احلى الكلمات للشاعر على سلامة

النهاردة انا جايبلكم كلمات عجبتنى وحسيتها اوى يارب تعجبكم

[center]
مصروالكاميرون

بقول لهم
مين اللي بيعيط بحرقة دة؟
قالوا لي

مواطن اتصور وهو بينضرب
قلتلهم
ومين الأمور اللي بيضحك ده؟
قالوا لي

دة واحد عمل شوية كوارث وهرب
قلت لهم

والدنيا عتمة هناك كده ليه؟

قالولي

دي حتة جديدة بتتخرب

قلت لهم

ومين الحاوي اللي بيتكلم ده؟

قالوا لي ده الوضع بيتقلب

وإيه الهيصة اللي في الساحل الشمالي دي؟

قالوا لي

دي البقرة بتتحلب

قلت لهم وانتوا قلقانين كده ليه؟

قالوا لي أصل بنلاعب الكاميرون

وخايفين نتغلب

بـــراءة

بمنتهى البراءة
سألتنى الصغنتوته نور
فى اربع خمس امور
قالتلى بابا يا بابا
مش انت يا بابا
بتكتب اغانى
وتقول اشعار
انا سمعت الشيخ يا بابا
بيقول انك يا بابا
هتروح النار
زى الناس الوحشين
الحراميين الكفار
قوللى يا بابا
يعنى ايه استعمار
يعنى ايه نيل
يعنى ايه هرم
ومين اللى حط النسر ده
فوق العلم
يعنى ايه يا بابا
استفتاء
ويعنى ايه انتخاب
ويعنى ايه حر
ويعنى ايه نصاب
وايه هو الاغتصاب
ويعنى ايه اختلاس
ويعنى ايه هجاص
ويعنى ايه خصخصة
وايه هو الدستور
يعنى ايه معارضه
ويعنى ايه مظاهرة
وليه النهارده
خدنا اجازة من المدرسة
قوللى يا بابا
يعنى ايه قهر
وفين بيقع خط الفقر
ويعنى ايه حظ
ويعنى ايه زهر
يعنى ايه يا بابا
حريه
يعنى ايه انسان
وايه هو السرطان
يعنى ايه يا بابا
خربوها
ومين دول يا بابا
ولاد القطقوطه
ومين دى
سماره يابابا
وازاى يا بابا
ضاعت من قلبك
وكنت فين لما خربوها
يا بابا
بابا
انت معايا
فيه يا بابا ناس
بتقول كفايه
وفيه عساكر
ماسكين عصايه
وبنات متعورين
وتانيين ماشيين بيضحكوا
يابابا .. هما دول اسرائيليين
قولتلها
نور
ممكن اسألك سؤال
قالتلى
اتفضل يا بابا
قلتلها
هيه قناة سبيس تون
رقمها كام
واخدتها....علشان تنام

خايف أصحى مالاقيش مصر

ساعات بقلق بالليل

يعني بالليل شوية كده
قبل الفجر
حسب الظروف كده
بعد العصر

خايف يوم أصحي..
وأفتح الشباك..
مالاقيش مصر

ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها

مصرالبنوتةالحلوة
اللي زي القمر
بقت عجوزة وشايبة
وبان عليهاالكبر

خايف يوم أصحي..
وأفتح الشباك..
مالاقيش مصر

اكيد عجبكم وانتظرو مينى الكتييييييير Very Happy

مشكوووووووووووووووووررررررررررررررررة